ساغر میرے ہاتھوں

Naseem minai

Add To collaction

ساغر میرے ہاتھوں

Naseem minai

Gazal

غزل

ساغر میرے ہاتھوں سے چھوٹا ہوش اڑ گئے ہوش آتے آتے

ساقی نے اٹھائی میری طرف،جب مست نظر جاتے جاتے

دنیائے محبت میں دل کا، انجام خدا جانے کیا ہو

ہر روز کے دکھ سہتے سہتے، ہر روز کے غم کھاتے کھاتے

مایوس‌ ہے کیوں اے دل اتنا، بے تاب ہے کیوں اے دل اتنا

اٹھے گی نظر اٹھتے اٹھتے، آئے گا قرار آتے آتے

اب بزم میں ساقی آیا ہے اب زلفوں کو لہرایا ہے

اب آئے گا جام آتے آتے، چھاۓگی گھٹا چھاتے چھاتے

یہ کس کو خبر تھی الفت میں، ایسا بھی زمانہ آئے گا

وہ اپنا بھرم خود کھو دیں گے، آنے کی قسم کھاتے کھاتے

ارمان بھرے سینے میں میرے یوں دل نے دھڑکنا چھوڑ دیا

جیسے کوئی مطلب رک جائے محفل میں غزل گاتے گاتے

کیوں ناز جوانی پر ہو مجھے، کیوں فکر نہ ہو پیر کی مجھے

ڈھل جائے گا دن ڈھلتے ڈھلتے، آ جائے گی شام آتے

بیٹھے ہیں نہ تھک کر بیٹھیں گے، باز آۓ نہ اب باز آئیں گے

بے رونقیٔ گلشن سے ہیں کیوں مایوس نسیمؔ اہل گلشن

جائے گی خزاں جاتے جاتے، آئے گی بہار آتے آتے

نسیمؔ مینائ

شاہجہانپور